Detaje të reja janë zbardhur nga shpërthimi i lëndës plasëse në orët e para të mëngjesit të sotëm në Kamëz.
Burime për mediet bëjnë me dije se lënda shpërthyese ishte vendosur në ambientet e jashtëm të një lokali, i cili ishte marrë me qira nga Oltjon Muçaj.
Sipas hetimeve paraprake, kanë qenë dy persona të cilët janë afruar rreth orës 4 të mëngjesit pranë këtij lokali, duke hedhur një sasi lënde eksplozive. Si pasojë janë thyer disa xhama, si dhe është dëmtuar fasada e jashtme e biznesit.
