Ambasada e Shteteve të Bashkuara në Tiranë ka shpërndarë një mesazh të rëndësishëm nga Sekretari amerikan i Shtetit, Marco Rubio, në lidhje me një politikë të re për të luftuar futjen e drogave të rrezikshme në SHBA.
Në mesazh thuhet se SHBA do të vendosë kufizime për vizat ndaj anëtarëve të familjes dhe bashkëpunëtorëve të afërt personalë apo të biznesit të atyre që janë sanksionuar për përfshirje në trafik droge, sipas Urdhrit Ekzekutiv 14059.
“Do të përdorim çdo mjet të nevojshëm për të ndalur dhe shkatërruar rrugët që përdoren për të futur fentanil dhe droga të tjera vdekjeprurëse në vendin tonë,” tha Rubio në mesazhin e tij, të publikuar nga Ambasada e SHBA në Shqipëri.
