Një person ka informuar se djali i tij është gjetur pa shenja jete. Sipas raportit 24 orësh të Policisë së Kosovës bëhet e ditur se ngjarja ka ndodhur të enjten rreth orës 13:45, në Gjilan.
Më tej, bëhet e ditur se viktima është dërguar në emergjencë, ku më pas ka ndërruar jetë.
“Ankuesi mashkull kosovar ka informuar se është gjetur pa ndjenja djali i tij viktima mashkull kosovar. Viktima është dërguar në Emergjencë, ku më pas ka ndërruar jetë”, thuhet në raport.
Ndërkaq, sipas raportit, zyrtarët e Institutit të Mjekësisë Ligjore kanë dalë në vendin e ngjarjes dhe kanë bërë tërheqjen e trupit të pajetë të viktimës.
