Presidenti rus Vladimir Putin u lut për Donald Trump kur presidenti u qëllua gjatë fushatës së tij presidenciale vitin e kaluar, zbuloi i dërguari i lartë Steve Witkoff.
Witkoff, i cili ka vizituar Moskën dy herë për të përmbledhur kushtet e një armëpushimi me Ukrainën, tha në një podcast se gjatë takimit të tij të dytë me Putinin, presidenti rus tregoi reagimin e tij ndaj tentativës për vrasjen e Trump.
“Kur presidenti u qëllua, ai shkoi në kishën e tij lokale dhe u takua me priftin e tij dhe u lut për presidentin,” tha Witkoff për Putinin. Putin “kishte miqësi me të dhe ai lutej për mikun e tij,” shpjegoi Witkoff.
Ai shtoi se ia kishte transmetuar historinë sentimentale Trumpit, i cili ishte “prekur”. Korrikun e kaluar, Trump, në atë kohë kandidati i Partisë Republikane, po fliste me mbështetësit pranë Butler, Pensilvani, kur u qëllua me një plumb nga 20-vjeçari Thomas Matthew Crooks.
Në fillim të kësaj jave, Trump dhe Putin folën në telefon për rreth dy orë për të diskutuar përfundimin e pushtimit të plotë të Ukrainës nga Rusia, ndërsa Trump e përshkroi bisedën si “shumë të mirë dhe produktive”.
