Forcat izraelite kanë filluar të tërhiqen nga korridori kyç që ndan Gazën veriore nga jugu, si pjesë e marrëveshjes së armëpushimit me Hamasin.
Si pjesë e marrëveshjes, sipas së cilës deri më tani janë liruar 16 pengje izraelite dhe 566 të burgosur palestinezë, Izraeli ra dakord të tërhiqte ushtrinë e tij nga korridori Netzarim i gjatë katër milje.
Kur filloi armëpushimi muajin e kaluar, Izraeli filloi t’i lejonte palestinezët të kalonin korridorin dhe të ktheheshin në shtëpitë e tyre, shumë prej të cilave tashmë të kthyera në rrënoja pas 15 muajsh lufte.
Hamasi e ka festuar tërheqjen si një fitore dhe tha se forcat policore të drejtuara nga Hamasi ishin vendosur në zonë për të mbikëqyrur rrjedhën e palestinezëve që kalonin./Liberale.al/
