Një deputete e plagosur rëndë pas incidenteve
Incidenti pasqyron një krizë të thellë politike në vendin ballkanik, ku protestat mujore kundër korrupsionit kanë tronditur qeverinë
Të paktën tre deputetë u plagosën, njëri prej tyre më rëndë, pasi shpërtheu kaosi në sallën e parlamentit serb, ku u hodhën edhe bomba e tymuese.
Në seancën parlamentare, pasi koalicioni qeverisës i udhëhequr nga Partia Përparimtare Serbe miratoi rendin e ditës, disa politikanë të opozitës u përleshën me rojat e sigurisë, ndërsa po i drejtoheshin kryetares së parlamentit.
Të tjerë deputetë hodhën bomba tymi dhe gaz lotsjellës. Pamjet televizive shfaqën tym të zi dhe rozë brenda ndërtesës.
Kryetarja e parlamentit Ana Bërnabiç tha se dy deputetë mbetën të plagosur ndërsa deputetja e Partisë Përparimtare Jasmina Obradoviç, pësoi një goditje në tru dhe është në gjendje kritike.
“Parlamenti do të vazhdojë të punojë dhe të mbrojë Serbinë,” tha ajo.
Ligjvënësit do të votonin mbi një projekt-ligj që do të rriste fondet për arsimin e lartë, por partitë e opozitës këmbëngulën se sesioni ishte i paligjshëm dhe se dorëheqja e kryeministrit Milos Vuçeviç dhe qeverisë së tij duhet së pari të konfirmoheshin.
Trazirat pasqyrojnë një krizë të thellë politike në vendin ballkanik, ku protestat mujore kundër korrupsionit kanë tronditur qeverinë.
Vuçeviç dha dorëheqjen në janar pasi autoritetet u përballën me protesta për shembjen e një strehe betoni të autobusëve në Serbinë veriore në nëntor, e cila vrau 15 njerëz dhe për të cilën kritikët fajësuan korrupsionin e përhapur.
Parlamenti duhet të konfirmojë dorëheqjen e kryeministrit që dorëheqja e tij të hyjë në fuqi.
