Forcat ruse deklaruan sot se Ukraina ka nisur një sulm "masiv" me dron gjatë natës në Moskë dhe rajonin përreth, përpara bisedimeve të vështira të paqes midis Ukrainës dhe SHBA-së.

Të paktën dy persona janëvrarë dhe disa të tjerë janë plagosur në një sulm masiv me dron gjatë natës në rajonin e Moskës, shkruan BBC. 

Sipas guvernatorit të rajonit të Moskës Andrei Vorobyov, shtatë apartamente u dëmtuan dhe banorët u detyruan të evakuohen në një ndërtesë shumëkatëshe në rrethin Ramenskoye.

Fluturimet u pezulluan në të katër aeroportet e Moskës për të garantuar sigurinë ajrore. Dy aeroporte të tjera, në rajonet Yaroslavl dhe Nizhny Novgorod, të dyja në lindje të Moskës, u mbyllën gjithashtu.

Infrastruktura hekurudhore në stacionin e trenit në rrethin Domodedovo, rreth 35 km në jug të Moskës, u dëmtua si pasojë e rënies së mbeturinave të dronëve.

ulmi vjen vetëm disa orë përpara takimit midis përfaqësuesve nga SHBA dhe Ukraina në Arabinë Saudite, i fokusuar në përfundimin e luftës midis Rusisë dhe Ukrainës.

Ministria ruse e mbrojtjes raportoi më vonë se në total 337 dronë ukrainas ose u kapën ose u shkatërruan gjatë natës në Moskë dhe nëntë rajone të tjera përreth.