BE

Shpërndau parlamentin pas humbjes në zgjedhjet e PE, Macron: Dua të jem i dobishëm për vendin

Shkruar nga Liberale

Shpërndau parlamentin pas humbjes në zgjedhjet e PE, Macron: Dua

Franca nisi të përgatitet për votime, pasi presidenti Emmanuel Macron shpërndau parlamentin dhe thirri zgjedhjet e parakohshme për datën 30 qershor.

Macron doli me këtë vendim pasi partia e tij pësoi humbje të madhe kundrejt partisë së ekstremit të djathtë të Marine Le Penit, në zgjedhjet për Parlamentin Evropian.

“Kam besim në aftësinë e popullit francez për ta bërë zgjedhjen më të drejtë për veten dhe për brezat e ardhshëm”, shkroi Macron të hënën në platformën X.

“Ambicia ime e vetme është të jem i dobishëm për vendin tonë që e dua shumë”, shtoi ai.

Zgjedhjet për Parlamentin Evropian u mbajtën në të gjitha vendet e Bashkimit Evropian nga data 6 deri më 9 qershor.

Partia Fronti Kombëtar e Le Penit siguroi mbi 30 për qind vota më shumë se Rilindja e qendrës e Macronit.

Mbështetësit e partisë së ekstremit të djathtë në Francë, Fronti Kombëtar, festojnë, pasi presidenti francez, Emmanuel Macron, shpalli zgjedhje të reja, 9 qershor 2024.
Partitë e ekstremit të djathtë, në fakt, shënuan përparime edhe në disa vende të tjera, si Gjermani, Spanjë e Itali.

Megjithatë, shumicën në Parlamentin Evropian, i cili ka 720 vende, pritet ta formojë sërish Partia Popullore Evropiane e qendrës së djathtë, e cila, sipas rezultateve preliminare, ka fituar 184 ulëse./ REL

Liberale Newsroom

Poll
SHQIPENGLISH