Një aksident i rëndë ka ndodhur në Meksikë, ku të paktën 11 persona kanë humbur jetën dhe 17 të tjerë janë plagosur. Ngjarja ka ndodhur në shtetin e Nuevo Leon, kur një autobus turistik është përmbysur gjatë rrugës nga Monterrey drejt Tampico.
Sipas mediave ndërkombëtare, dyshohet se shkak i aksidentit ka qenë përgjumja e shoferit, i cili ka humbur kontrollin e mjetit dhe ka goditur një barrierë mbrojtëse, çka ka çuar më pas në përmbysjen e autobusit.
Fatkeqësisht, në mesin e viktimave ndodhen edhe dy fëmijë të moshës 5 vjeç. Ndërkohë, disa nga të plagosurit ndodhen në gjendje të rëndë dhe janë dërguar me urgjencë në spital për trajtim mjekësor.
