Kryesore

Arrestimi i prokurorit/ SPAK ka pamjet ku korruptohet me 2 mijë euro

               Publikuar në : 15:25 - 01/07/21 liberale

Detaje të reja kanë dalë në dritë nga arrestimi i prokurorit të Kukësit Edmond Karriqi në Kavajë. Mësohet se prokurori është filmuar duke marrë para në tavolinë nga vëllai i një personi nën hetim për trafik droge. Shuma e parave që dyshohet rreth 2 mijë euro është marrë në Kavajë, në ambientet e një lokali.

Fillimisht kanë qenë disa biseda të familjarëve të hetuar nga prokurori, indicie për nisjen e hetimit dhe pas shtrirjes së përgjimeve dhe vëzhgimeve është provuar rasti i korrupsionit, ku për një masë sigurimi prokurori Edmond Karriqi ka marrë 2 mijë euro.

Prokurorët e SPAK kanë dyshime se ka marrë dhe para të tjera nga ky person, ndërsa prokurori mbahej nën vëzhgim prej kohësh.

Prokurori u arrestua në shëtitoren e Kavajës së bashku me shoferin e tij, ndërkohë që hetuesit kanë bastisur dhe shtëpinë e tij për të ushtruar kontroll.

Tags: , ,


KOMENTO (0)

Shkruaj nje koment

Your email address will not be published. Required fields are marked *

* *

Back