Një djalë 4-vjeçar gëlltiti një monedhë dy cent ndërsa luante. Nëna e tij e çoi në dhomën e urgjencës të spitalit Omegna (provinca e Verbano Cusio Ossola në Piemonte), por aty do të ishte përballur sipas saj me një sjellje jo joprofesionale të mjekëve.

Siç ka raportuar gruaja, vogëlushit nuk do t'i ishte bërë rreze X dhe infermieret do t'i kishin thënë gruas që t'i jepte për të ngrënë. Sipas tyre "ushqimi do të kishte ndihmuar në kalimin e monedhës, e cila kishte ndaluar në pjesën e sipërme të ezofagut. Nuk i besova dhe nuk e bëra. Për fat do të thosha. Mund ta kisha vrarë".

Familja jeton në Feriolo, një fshat i Baveno-s. Më i vogli ishte duke parë filma vizatimorë i shtrirë në krevat kur gëlltiti monedhën duke luajtur.

Nëna e kuptoi menjëherë, telefonoi të shoqin dhe e çuan djalin në urgjencën Dea e Omegna aty pranë. I vogli u ekzaminua dhe më pas u nxorr nga spitali. “Ata nuk bënë asnjë gjë”, tha gruaja për 'Corriere della Sera'.

Fëmija  vazhdonte të ankohej dhe e dërguan në spitalin e Verbanisë. "Vetëm në atë moment zbuluam se kishin telefonuar nga Omegna për një konsultë dhe e kishin këshilluar të bënte një radiografi. Gjë që nuk u bë. Edhe te Dea e Verbanisë nuk donin, por kur mbërritën në pediatri e bënë menjëherë”, tregon nëna.

Në atë moment, pacienti u transferua me urgjencë në Novara dhe iu nënshtrua një operacioni për të hequr monedhën me një tub të futur nga goja nën anestezi totale. Pas 7 orësh familja më në fund u kthye në shtëpi me të miturin.

Por tani nëna po mendon të denoncojë stafin. "Për momentin kam marrë një falje nga kryemjeku i Deas dhe nga kryeinfermierja. Nëse e mendoj, djali im rrezikonte të vdiste nga mbytja"./Liberale.al