Vendi është tronditur sërish nga ngjarje kriminale. Pa mbushur 24 orë nga ekzekutimi i biznesmenit në Lushnje dhe vrasjes së trefishtë në fisin Dakuci në Klos, krimi ka goditur sërish në veri të vendit, ku për pasojë një 34 vjeçar është gjetur i vdekur në një kanal në fshatin Zallë Xhuxhë në Fan të Mirditës.
Viktima është Eri Zefi, trupi i pajetë i të cilit ishte hedhur në një kanal, prej ku ka mbetur një pellg me gjak dhe këpucët e viktimës.
34-vjeçari u pikas nga banorët e zonës me trupin plot plumba dhe të mbuluar në gjak, të cilët njoftuan menjëherë policinë.
Me të mbërritur në vendngjarje, uniformat blu kanë rrethuar zonën dhe vijojnë kërkimet për kapjen e autorëve të këtij krimi të rëndë. Banorët kanë njoftuar policinë, e cila ka mbërritur menjëherë në vendngjarje dhe ka rrethuar zonën./Gazeta Liberale
