Një 68-vjeçar nga fshati Goriçaj i Divjakës është djegur mes flakëve, pasi i vuri zjarrin tokës për të djegur barërat e mbetura.
Siç bëhet me dije edhe nga njoftimi i policisë, Mihal Nushi nuk ka mundur që të dalë prej flakëve.
"Rreth orës 11:55, në fshatin Goriçaj, Divjakë, shtetasi M. N., 68 vjeç, dyshohet se duke djegur barërat në tokën e tij, për shkak të përhapjes së flakëve është djegur vetë dhe për pasojë ka ndërruar jetë. Grupi hetimor po punon për zbardhjen e plotë të rrethanave të ngjarjes", njofton policia.
Në xhepin e të ndjerit Mihal Nushi, u gjet edhe një foto e Shna Ndout.
