Pa investime dhe në kushte thuajse mesjetare, ku ushqimet shiten në tokë, tregu i fruta-perimeve në Gjirokastër krijon një kontrast negativ me pjesën historike dhe turistët që tërheq qyteti. Përveç pamjes, tregu nuk plotëson as kushtet higjieno-sanitare të sigurisë ushqimore.
Ndërsa pazari i Gjirokastrës dhe pjesa historike e qytetit vlerësohet për vjetërsinë dhe historinë e tij, nuk mund të thuhet e njëjta gjë për tregun e fruta-perimeve të qytetit turistik.
Aq sa mund të duket paradoks po aq është e vërtetë që një qytet që tërheq qindra mijëra vizitorë çdo vit, të ketë një treg të tillë fruta-perimesh, që jo vetëm është i padenjë nga ana vizive, por edhe i rrezikshëm sa i takon sigurisë ushqimore.
Edhe ata pak tregtarë që vijojnë dhe shesin e cilësojnë të papranueshme situatën në të cilënështë lënë tregu i qytetit.
Sakaq në bashkinë e Gjirokastrës askush nuk jep sqarime mbi situatën e tregut, ndërsa jashtë kameras përgjigjen me frazën “do të bëhet”./A2/
