14 shkurti, datë e cila njihet ndryshe si "Festa e të dashuruarve", ka sjellë atmosferë ndryshe sot në rrugët dhe sheshet e Tiranës.
Dekori i veçantë me zemrat e kuqe kudo fton qytetarët dhe vizitorët, që të bëjnë fotot më të bukura pranë instalacioneve që simbolizojnë dashurinë.
Në rrugë shihen të rinj, por edhe mosha të treta, me lule në duar dhe të buzëqeshur, teksa shëtisin në rrugët e kryeqytetit dhe Liqenin Artificial të Tiranës, për të festuar dashurinë e tyre në këtë ditë të shënuar.
