E ndërsa verës po i afrohemi gjithnjë e më shumë, Gjirokastra po rikthehet si destinacion i preferuar për turistët nga e gjithë bota.
Kjo fundjavë solli një fluks të madh vizitorësh, të cilët vijnë për të shijuar jo vetëm historinë e pasur dhe arkitekturën unike, por edhe kulturën e gjallë dhe mikpritjen e ngrohtë të banorëve vendas.
“Kemi vizituar pazarin dhe kalanë dhe po na pëlqen jashtë mase shumë.“
“Është hera e parë që vij në Gjirokastër, por më pëlqen shumë. Shtëpitë e vjetra me arkitekturën e veçantë që kanë, pazari fantastik, njerëzit të dashur dhe mikpritës. Kam mbetur e impresionuar nga kjo vizitë.“
Janë këto disa nga përshtypjet e vizitorëve.
Me sezonin veror që po afron, pritshmëritë janë që Gjirokastra të vazhdojë të tërheqë vizitorë nga çdo cep i botës, duke u bërë një perlë e vërtetë e turizmit shqiptar në rajonin jugor.
