Kryeministri Edi Rama i ka bërë sërish thirrje emigrantëve shqiptarë që të dërgojnë zarfin me votën e tyre, për zgjedhjet parlamentare të 11 majit.
Ai njoftoi se është aprovuar hapja e një tjetër grupkapitulli të negociatave me Bashkimin Europian, duke e cilësuar këtë si një tjetër hap të rëndësishëm në rrugën drejt anëtarësimit.
Gjatë bashkëbisedimit online me qytetarët, Rama u shpreh se emigrantët kanë mundësi të jenë e takimit të madh me historinë.
“Kudo tjetër, që të mos e mbajnë në shtëpi. Ta nisin sepse në 11 maj kanë mundësi të jenë pjesë e takimit të madh me historinë. Dje, kur po shkoja në Fier, mora dhe lajmin që grupkapitulli tjetër i negociatave u aprovua për t’u hapur. Kemi hapur 16, hapim edhe 8 të tjerë tani, që bëjnë 24. Mbeten edhe 11 të tjera. Ky do ishte rekord evropian”, tha Rama.
