Kryeministri Edi Rama u është përgjigjur komentuesve që ankohen për çmimet e larta në vend, duke thënë se ata që vijnë në vendin tonë thonë të kundërtën.

Kreu i qeverisë gjithashtu tha se çmimet i vendos sektori privat, jo qeveria dhe se detyra e kabinetit është të rrisë fuqinë blerëse duke rritur pagat, pensionet dhe bonuset për pensionistët.

“Si shpjegohet që gjithë ata që vijnë këtu thonë Shqipëria është më mirë. Sepse ne nuk mund të bëjmë krahasim. Mund të jenë disa artikujt në supermarketet më të shtrenjta. Në përgjithësi, as nuk bëhet fjalë fare. Ne do ta shohim me fuqinë tonë blerëse.

Natyrisht, ajo që qeveria bën është të rrisë pagat, të rrisë mundësinë për rritjen e pagave në sektorin privat, të rrisë në mënyrë graduale dhe të japë bonueset për pensionistët.  Çmimet i vendos sektori privat, jo shteti. Ajo që ne bëjmë është të rrisin fuqinë blerëse. Nuk është në të gjitha kategoritë, nuk është për të gjitha shtresat, por ama është rritja hap pas hapi që bëjmë”, tha Rama.

Një tjetër komentues i thotë: “40 mijë apartamente bosh thonë specialistët?

Rama: Cilët specialistë, të portaleve apo kanaleve? Nuk merren socialistët me ta, sepse atyre u intereson të dyndin shqiptarët me gjysmë të vërteta, sesa t’u japë mendimin e socialistëve. Mendimi i socialistëve është i veshtarë për të lexuar, nuk është spektakël.