Kryeministri Edi Rama përmendi kreun e SPAK, Altin Dumani, gjatë një takimi me kandidatët e Elbasanit këtë të mërkurë.
Rama shprehu mbështetje për Dumanin, duke thënë se ai ka treguar integritet dhe ka përballuar sulme ndaj tij dhe familjes së tij. Ai theksoi se më parë prokurorët dhe gjyqtarët nuk kishin pushtetin për të hetuar politikanët, ndërsa tani drejtësia ka marrë në dorë “shpatën” e saj.
Duke folur për procesin e integrimit në BE, Rama tha se drejtësia duhet të mbetet e pavarur dhe të mos ndikohet nga politika, duke iu referuar edhe 11 majit si një datë e rëndësishme për të ardhmen e vendit.
