PS po shkon drejt një fitoreje më të thellë nga çfarë pritej në qarkun e Tiranës. Kryeparlamentarja Elisa Spiropali e pranoi se fitorja veç meritës së PS po ndihmohet edhe ngaqë opozita është më e dobët se kurrë.
“Është një rezultat fantastik, një thellim i fitores së PS këtu në Rrogozhinë. Një punë e madhe e bërë nga PS, ekipi dhe kandidatët. Këtu procesi ka qenë i rregullt por edhe fushata e qetë. Qytetarët na kanë mbështetur me një votë masive”.
“Kjo është një ditë e bukur për Rrogozhinën, por edhe për Tiranën, jo vetëm për fitoren e PS por për fitoren e Shqipërisë europiane. Nuk është hera e parë që po e them. Dhe sigurisht nuk jam unë për ta parashikuar se vullneti i zgjedhësve duhet të lexohet deri në fund, por synimi ynë është 20 mandate në qarkun e Tiranës për PS dhe Edi Ramën.
“Janë më të dobët në raport me veten, të vërtetën dhe publikun prandaj kanë marrë edhe rezultatin. Nuk e kemi bazuar fitoren tonë tek dobësia e tyre, por tek puna jonë”, - tha Spiropali.
