Kryeministri Edi Rama është rikthyer sot në selinë e Partisë Socialiste.
Në hyrje të selisë ai është ndalur nga një zonjë e moshuar e cila e ka uruar për suksesin në zgjedhjet e 11 majit.
Teksa është pyetur nga gazetarët për një koment mbi rezultatin, kreu i qeverisë është përgjigjur i buzëqeshur:
“Të mbarojnë një herë zgjedhjet, pastaj”.
Sipas shifrave zyrtare të Komisionit Qendror të Zgjedhjeve, Partia Socialiste ka siguruar mandatin e katërt, me një rezultat historik, pasi projeksioni i deritanishëm i jep plot 82 mandate. Partia Demokratike parashikohet të marrë 52 mandate, Partia Social Demokrate 3 mandate, ndërsa nga 1 mandat duket se do të marrin edhe Partia Mundësia, Lëvizja Bashkë dhe Koalicioni Shqipëria Bëhet.
