Politikë

Berisha paralajmëron protesta për zgjedhjet: Është radha e shqiptarëve të ndershëm t’i dalin për zot votës së lirë

Shkruar nga Liberale

Berisha paralajmëron protesta për zgjedhjet: Është radha e

Kryedemokrati Sali Berisha, teksa fliste për farsën zgjedhore në një konferencë për mediat, deklaroi se “vota vdiq pa rënë në kutinë e votimit”, ndërsa përmend pensionet, faljen e gjobave apo aktivitetin e Giro d’Italia të organizuar ditën e zgjedhjeve.

Berisha paralajmëron protesta dhe thekson se është radha e shqiptarëve të ndershëm që t’i dalin për zot votës së lirë.

“Kreu i organizatës kriminale Edi Rama, kreu i narkoshtetit të parë dhe të vetëm në Europë, nuk u mjaftua me të gjitha aktet antikushtetuese që ndërmori para ditës së votimit, por edhe ditën e votimit ai organizoi një farsë të turpshme, fiktive, kriminale.

Të gjitha këto dëshmojnë se është radha e shqiptarëve t’i dalin zot me çdo kusht dhe çdo mjet lirisë së tyre dhe votës së lirë. Edi Rama përdori çdo gjë për dhunimin e kësaj vote.

Ai përdori prokurorinë e tij politike për burgosjen, persekutimin e liderëve të tre partive kryesore opozitare, vetëm e vetëm se e di se është i pashpresë dhe ligji do bjerë pa mëshirë mbi të, familjarët e tij dhe bandën e tij. E di këtë ai! Këtu ne do vazhdojmë në respekt të shqiptarëve idealistë, të shqiptarëve patriotë, të shqiptarëve të ndershëm që besojnë se e ardhmja duhet të përcaktohet nga qytetarët e lirë me vullnetin e tyre dhe se pa zgjedhje të lira, pa votën e lirë, të ardhme në Shqipëri nuk ka dhe nuk mund të ketë”, tha Berisha.

11 Maji/ Berisha publikon VIDEO-n: Ja si komisioneri fut dorën e tij të zezë në kutinë e votimit

Liberale Newsroom

A mund të shihen si shpresëdhënës politikanët e rinj për të përmbysur raportin tradicional të dy partive të mëdha në qeverisje prej ‘92?

  • Po!
  • Jo!
Powered by the Tomorrow.io Weather API
SHQIPENGLISH