Gjatë aktivitetit të sotëm për partneritetin mes Universitetit Bujqësor të Tiranës me atë BOKU në Vjenë, kryeministri Edi Rama paralajmëroi reformë të thellë në arsim.

Në fjalën e tij ai nuk hezitoi me kritikat ndaj universiteteve të tjera, duke ua bërë të qartë se rruga që duhet ndjekur është njëjtë si kjo e UBT-së.

“Universitetet nuk mund të jenë më si gjimnaze!”, tha kreu i qeverisë.

“Do trajtojmë çështjen e shumë kokave brenda një universiteti, zgjidhen shefa, e të gjithë thonë unë kam vizionin tim. Nuk mund të ketë 17 koka me 17 drejtime të ndryshme që duan të mbajnë atë kioskën e tyre. Ky duhet të jetë rregull për të gjithë”, paralajmëroi më tej.

Maturantëve u tha se aplikimi në Universitetin Bujqësor do u sjellë një sërë benefitesh profesionale në të ardhmen.

“Juristë ka plot Shqipëria, por profesionistë për të gjitha këto tema që janë temat më të nxehta të botës, e që do bëhen përvëluese, nuk ka mjaftueshëm! Ata pak që janë, janë pedagogë në UBT. Kështu që secili që do trokasë në derën e këtij universiteti, do bëhet pjesë e asaj kategorie, që do të jetë më e nevojshmja e shoqërisë. Do i keni dyert e hapura në privat, shtet, në Shqipëri e Austri. Në rastin më të mirë do përfundosh sekser gjykatash!”, përfundoi Rama.