Një aksident ku raportohet se janë përplasur tre automjete ka ndodhur sot në aksin rrugor Lezhë-Milot. Sipas informacioneve paraprake raportohet për tre të lënduar, të cilët janë transportuar në spital, pa rrezik për jetën.
Nga aksidenti njëri prej automjeteve ka përfunduar jashtë rrugës, një automjet tjetër tip Benz në një pikë karburanti, ndërsa makina e fundit mbeti në mes të rrugës duke bllokuar qarkullimin.
Paraprakisht shkak i aksidentit dyshohet të jetë bërë një manovër e gabuar e një prej drejtuesve të automjeteve.
