Tre burra me origjinë shqiptare janë dënuar për jo më pak se 37 grabitje. Njëri nga tre të dyshuarit mori një dënim efektiv me katër vjet burg. Ata dyshohet se kanë vjedhur kudo në Flanders, nga Roeselare në Rotselaar, në kërkim të parave dhe bizhuterive, bënë me dije mediat e huaja.
Ata ia arritën qëllimit 37 herë, dhe 10 herë bënë përpjekje për të kryer një grabitje. Në janar 2023 ata vodhën në një familje në Roeselare. “Një dritare u thye, xhamat ishin gjithandej, parketi ishte grisur dhe të gjithë dollapët ishin hapur. Të gjitha bizhuteritë dhe paratë ishin zhdukur.
Po atë ditë ata goditën zonën edhe tre herë të tjera. Megjithatë, BMV-ja e tyre u filmua. Makina u ndalua në nëntor të vitit të kaluar. Policia ka gjetur ndër të tjera një çekiç, levë dhe doreza të hajdutëve të dyshuar. Tre shqiptarët janë të rinj, rreth 20 vjeç.
Gjykatësi dha dënimet e tyre mëngjesin e së mërkurës. Njëri prej tyre u dënua në mungesë me katër vjet burg dhe 4000 euro gjobë. Një tjetër është dënuar gjithashtu në mungesë me 14 muaj burg dhe 1600 euro gjobë.
I vetmi person që u shfaq në gjyq u dënua me katër vjet burg dhe një gjobë prej 4,000 eurosh, gjysma e të cilave u pezullua. Ai deklaroi se ishte vetëm shofer dhe nuk dinte asgjë. Ndërkohë tha se punon si korrier dhe transporton mallra me vlerë.
