Një banesë është përfshirë nga flakët mesditën e kësaj të hëne në Fier. Ngjarja ka ndodhur rreth orës 14:30, ku në rrethana ende të paqarta zjarri ka përfshirë katin e parë të një pallati tre katësh.
Në momentin e zjarrit në banesë kanë qenë dy të moshuar të cilët janë asfiksuar nga tymi dhe janë nisur drejt spitalit për ndihmë mjekësore.
Raportohet se flakët kanë shkaktuar dëme të shumta materiale, ndërkohë grupi hetimor po punon për zbardhjen e rrethanave te ngjarjes dhe përcaktimin e shkaqeve të rënies së zjarrit.
