Një ngjarje e rëndë raportohet se ka ndodhir në burgun e Fushë-Krujës ku një 39-vjeçar, i identifikuar si Afrim Shaqiri, i cili vuante dënimin, ka ndërruar jetë ditën e sotme.
Mësohet se i burgosuri është dërguar pa shenja jete nga burgu në qendrën shëndetësore të qytetit.
Nuk dihet shkaku i vdekjes, por paraprakisht dyshohet për shkaqe natyrale pasi viktima ka qenë përdorues narkotikësh dhe trajtohej me metadon.
Trupi i tij i pajetë ndodhet në qendrën shëndetësore të Fushë Krujës. Ngjarja po hetohet ndërsa do të kryhet edhe autopsia për të përcaktuar shkakun e vdekjes.
