Kronikë

GJKKO pranon kërkesën e SPAK për gjykim të Muhamet Manollarit: Financoi terrorizmin, i dërgoi babait 800 euro në Siri

Shkruar nga Liberale

GJKKO pranon kërkesën e SPAK për gjykim të Muhamet

GJKKO pranon kërkesën e SPAK për gjykim të Muhamet Manollarit i cili akuzohet për financim të terrorizmit për shkak se në vitin 2013 i ka dërguar babait të tij në Siri një shumë prej 864 euro. 

Ai akuzohet për ‘Financimi terrorizmi’ , pasi babai i tij dyshohet se ka qenë anëtar i ISIS.

"Prokuroria e Posaçme kundër Korrupsionit dhe Krimit të Organizuar më datë 21.03.2024 ka paraqitur pranë Gjykatës kërkesën me objekt: Dërgimin për gjykim të çështjes penale hetuar në kuadër të procedimit penal nr. 255 i vitit 2021 i Prokurorisë së Posaçme Kundër Korrupsionit dhe Krimit të Organizuar në ngarkim të të pandehurit Muhamet Manollari, akuzuar për kryerjen e veprës penale “Financimi i terrorizmit” e parashikuara nga neni 230/a i K.Penal.

Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar vendosi: Pranimin e kërkesës së Prokurorisë së Posaçme Kundër Korrupsionit dhe Krimit të Organizuar. Dërgimin për gjykim të çështjes penale hetuar në kuadër të procedimit penal nr. 255 i vitit 2021 i Prokurorisë së Posaçme Kundër Korrupsionit dhe Krimit të Organizuar në ngarkim të të pandehurit Muhamet Manollari, i akuzuar për kryerjen e veprës penale “Financimi i terrorizmit” e parashikuara nga neni 230/a i K.Penal. Urdhërohet depozitimi i vendimit gjyqësor të dërgimit të çështjes në gjyq së bashku me fashikullin e gjykimit në sekretarinë e Gjykatës së Posaçme të Shkallës së Parë për Korrupsionin dhe Krimin e Organizuar, si gjykata kompetente për gjykimin e çështjes së themelit, brenda dhjetë ditëve nga shpallja e tij", thuhet në njoftimin e GJKKO.

Liberale Newsroom

Poll
SHQIPENGLISH