Kronikë

Dyshohet se 14-vjeçarja në Kavajë u për*hunua nga babai për 4 vite rrjesht/ Zbardhet sherri i fundit mes tyre

Shkruar nga Liberale

Dyshohet se 14-vjeçarja në Kavajë u për*hunua nga babai

Detaje të reja janë zbuluar nga ngjarja që u raportua më 21 maj në Kavajë, ku 49-vjeçari Bledar Rako u arrestua nga Policia pasi akuzohej se ka abuzuar seksualisht me të bijën 15-vjeçare.

Gazetarja Vali Qyrfyçi raportoi se vajza i është nënshtruar ekzaminimit mjekësor, që do zbulojë nëse ka pasur apo jo abuzim seksual ndaj saj. Nga ana tjetër, është zbardhur dhe debati i fundit i vajzës me të atin, pak para se ajo ta denonconte në polici.

“Vajza i është nënshtruar kontrolleve mjekësore, megjithatë, është e vështirë të gjendet se kush ka abuzuar me të, në rast se abuzimi ka ndodhur, pasi nuk bëhet fjalë për një ngjarje të ndodhur rishtasi. Sa i përket 49-vjeçarit, Bledar Rako pritet të dalë nesër para gjykatës dhe të japë versionin e tij të ngjarjes, teksa ndodhet në arrest me burg. Nëna e vajzës beson bashkëshortin e saj, por ia ka lënë në dorë drejtësisë që ta zbardhë ngjarjen.

Raportohet se vajza ka pasur një debat së fundmi me të atin, debat normal që ndodh mes adoleshentëve dhe prindërve sot, për kohën e gjatë të qëndrimit para telefonit dhe lënien mënjanë të mësimeve, dhe kjo dyshohet që mund të jetë bërë dhe shkak për akuzën e ngritur nga vajza 14-vjeçare, si një shenjë hakmarrjeje, megjithatë, gjithçka duhet të zbardhet nga hetimet.”- tha gazetarja.

Liberale Newsroom

Poll
SHQIPENGLISH