Fatjon, Kristi dhe Aleksandër Bushgjokaj janë tre vëllezërit të cilët dyshohet se kanë organizuar rrëmbimin dhe vrasjen e Renis Dobrës e më pas trupin e hoshën pranë në liqenit të Shkopetit.
Me origjinë nga Tropoja dhe banues në Kamëz, tre vëllezërit janë të dyshuarit kryesorë për rrëmbimin dhe vrasjen e 23-vjeçarit.
Së bashku me ta si i përfshirë në krim dyshohet se është dhe miku i tyre, Petrit Çakrri, një nga dëshmitarët e vrasjes së Azem Hajdarit.
Së bashku me Çakrrin, për ngjarjen është arrestuar edhe Fatjoni, ndërsa të tjerët janë shpallur në kërkim.
Për zbardhjen e krimit të rëndë, ekspertët e krimeve të policisë së Dibrës por dhe nga policia e shtetit i kanë përqendruar hetimet në disa pista. Sipas burimeve, në Gjermani, Dobra nga ku ishte depërtuar pak muaj më parë, eshtë marrë me shpërndarjen e lëndëve narkotike. Këtë aktivitet dyshohet se po e vijonte së fundmi edhe në qytetin e tij.
E megjithatë hetuesit nuk përjashtojnë pistën se i riu ka pasur konflikte për ndonjë vajzë.
