Gjykata e Vlorës ka vendosur masën e sigurisë “detyrim paraqitjeje” për Krenar Velajn, drejtuesin e gomones që plagosi një turist gjerman në zonën bregdetare të Gjipesë.
Ngjarja ndodhi disa ditë më parë, kur gomonia drejtuar nga Velaj goditi aksidentalisht turistin, duke i shkaktuar lëndime. Turisti u transportua menjëherë për ndihmë mjekësore dhe ndodhet jashtë rrezikut për jetën.
Hetimet për ngjarjen vijojnë, ndërsa autoritetet kanë paralajmëruar masa më të rrepta për sigurinë në zonat detare, veçanërisht në ato të frekuentuara nga pushuesit dhe turistët.
