Aktualitet

Shembja e Teatrit/ Meta: Një veprimtari e mirëstrukturuar kriminale

Shkruar nga Liberale
Shembja e Teatrit/ Meta: Një veprimtari e mirëstrukturuar kriminale

Presidenti Ilir Meta ka reaguar sërish për shembjen e Teatrit Kombëtar, ku thotë se faktet e fundit tregojnë për një veprimtari të mirëstrukturuar kriminale për shembjen e godinës.

Meta shkuan më tej se këto provokime për paqen sociale, "janë të barazvlefshme si t’i vësh kazmën një herë e përgjithmonë përpjekjeve tona për të ecur së bashku me Maqedoninë e Veriut drejt çeljes së negociatave me Bashkimin Europian".

Reagimi i plotë

Faktet e bëra publike orët e fundit flasin qartë për një veprimtari të mirëstrukturuar kriminale, të paamnistueshme në çdo kohë, që kërkon të jetësojë marrëzinë për t'i vënë kazmën Teatrit Kombëtar, pa shteruar rrugën e plotë kushtetuese dhe ligjore të kësaj çështjeje, që ka marrë një dimension të qartë europian dhe ndërkombëtar.

Këto provokime mjaft serioze për paqen sociale në vend, janë të barazvlefshme si t’i vësh kazmën një herë e përgjithmonë përpjekjeve tona për të ecur së bashku me Maqedoninë e Veriut drejt çeljes së negociatave me Bashkimin Europian.

Shpresoj shumë të ketë një reflektim dhe aktet e publikuara në media të mos jenë të vërteta.

15 kushtet e vendosura nga BE janë tepër!

Shtimi edhe vetëm i një kushti tjetër do të ishte fatal e me pasoja vështirë të rikuperueshme për të ardhmen europiane të vendit! 

Liberale Newsroom

Poll
SHQIPENGLISH