Ndarja e Shakirës dhe Gerard Pique ka tendencë të bëhet “seriale” pasi emrat e tyre vijojnë të mbeten kryelajm në shtypin e huaj. Ish-futbollisti ka vazhduar jetën e tij pasi është në një lidhje me Clara Kia Marti dhe Shakira po e kapërcen ndarjen në mënyrën e saj. Pas këngës së shumëpërfolur, Shakira ka nisur ta heqë mërzinë me festa. Sipas mediave spanjolle, ylli kolumbian nuk resht së bërë festa në shtëpinë e saj dhe madje me shumë njerëz të ftuar. Diçka e tillë duket se do të intensifikojë marrëdhëniet e saj po aq të acaruara me prindërit e Pique-s, pasi ata ende jetojnë pranë shtëpisë së këngëtares 46-vjeçare të popit.

Montserrat Bernabéu y Joan Piqué están hartos de las últimas actitudes de Shakira y sus continuas fiestas https://t.co/UN0c7C3t44 pic.twitter.com/YmRdcXZlk1

— Lecturas (@Lecturas) February 5, 2023

Në shkrime nga faqe të ndryshme spanjolle thuhet se prindërit e ish-mbrojtësit të Barcelonës po mendojnë të lëvizin, pasi nuk i durojnë më festat e Shakirës. Një zhvillim i tillë ndoshta do të jetë i këndshëm për të, pasi prej disa kohësh dihet lidhja e keqe me nënën e Piques. Pak kohë më parë, në TikTok u publikua një klip në të cilin Shakira kritikon nënën e Pique, duke theksuar se ajo "nuk ka nevojë për këshillat e saj". Kësaj radhe është shfaqur një video tjetër, në të cilën shihet Montserrat Bernabeu duke bërë gjeste të ndryshme ndaj këngëtares për t'i thënë që ta mbyllë gojën.

Siempre siempre me dio mala espina este ser maligno. Pobre @shakira menos mal abriste los ojos. pic.twitter.com/FOoG1aAqwg

— carladirty (@carla_dirty) January 23, 2023

Ky gjest i vrazhdë me gishtin para gojës së doktoreshës është kapur nga një fanse e Shakirës dhe tashmë marrëdhënia mes dy femrave është bërë sërish objekt diskutimi. Së fundmi revista “Lecturas” raportoi se pas kontaktit me Montserrat Bernabeu, ndarja e djalit të saj me Shakirën e ka lënduar edhe atë. “Ajo është e shkatërruar”, thuhet në raport. Në fakt, ajo zbuloi se ylli kolumbian u ka kërkuar fëmijëve të saj që të mos e quajnë Montserrat “gjyshe”, gjë që ishte shumë e vështirë për të./Liberale.al