Meghan Markle dhe Princi Harry kanë uruar festat e fundvitit me një foto të re familjare, ku shfaqet për herë të parë vajza e tyre Lilibet Diana.
Duka dhe Dukesha e Sussex ndanë fotografinë familjare, të realizuar nga Alexi Lubomirski, të enjten, me pamjen që tregon familjen katër anëtarëshe të veshur me xhinse dhe duke buzëqeshur jashtë shtëpisë së tyre në Santa Barbara, Kaliforni.
”Gëzuar festat. Këtë vit, 2021, ne mirëpritëm në botë vajzën tonë, Lilibet. Archie na bëri një ‘mama’ dhe një ‘babë’ dhe Lili na bëri familje”, shkruan çifti.
Duka dhe dukesha njoftuan gjithashtu përkushtimin e tyre ndaj organizatave që “nderojnë dhe mbrojnë familjet”, duke vazhduar: “Ndërsa presim me padurim vitin 2022, ne kemi bërë donacione në emrin tuaj për disa organizata që nderojnë dhe mbrojnë familjet – nga ato që zhvendosen nga Afganistani, familje amerikane që kanë nevojë për leje prindërore me pagesë.”
