Aktualitet

“Një vend djallëzor në Evropë”, Rama flet pas deklaratës së Khameneit

               Publikuar në : 10:57 - 09/01/20 liberale

Kryeministri Edi Rama, gjatë fjalës së tij në OSBE, ku Shqipëria mori kryesimin, ka përmendur edhe deklaratën e liderit suprem të Iranit, Ali Khamenei, që e cilësoi Shqipërinë ” vend djallëzor”

Teksa prezantoi programin dhe përparësitë e Shqipërisë në Këshillin e Përhershëm të OSBE-së, Rama tha se siguria e përbashkët është e rëndësishme dhe po punohet fort nga diplomatët  dhe ekipi kryesues i Shqipërisë.

Duke qenë se shumë prej sfidave e mundësive vijnë prej përtej rajonit të OSBE na duhet të përforcojmë platformat e dialogut me partnerët aziatikë e mesdhetarë për bashkëpunim.

Situata aktuale në brigjet Jugore është një shembull se sa ngushtë e ndërlidhur është siguria jonë e përbashkët. E meqë ra fjala po flas në emër të një vendi që dje u përcaktua si një vend djallëzor në mes të Evropës nga autoriteti i lartë i regjimit totalitar të Teheranit.

Programet tona të hartuara pas bisedimeve në kryeqytet e Vjenë do mbeteshin vetëm në letër pa përbërësin me të rëndësishëm, ekipin kryesues të Shqiperise në Tiranë e këtu në Vjenë.

Kemi angazhuar diplomatë e profesionistë, një ekip të talentuar e shumëkombësh ndërtuar edhe falë mbështetjes të shumë vendeve partnere që i falenderoj nga zemra.

Detyra e tyre e vështirë do jetë të arrijnë konsensues duke punuar krahë për krahë me ekipin e sekretaritatit dhe institucioneve autonome”, tha Kryeministri.

Lideri iranian, Ali Khamenei, një ditë më parë deklaroi se një ‘vend djallëzor në Europë që ka bërë komplot me SHBA kundër Iranit’ , duke iu referuar kështu vendit tonë, por pa përmendur emrin./Gazeta Liberale

Tags: , , , , ,

KOMENTO (0)

Shkruaj nje koment

Your email address will not be published. Required fields are marked *

* *

Back