Aktualitet

Nis sot Lotaria Amerikane, ambasada e SHBA bën njoftimin e rëndësishëm për aplikantët

Shkruar nga Liberale
Nis sot Lotaria Amerikane, ambasada e SHBA bën njoftimin e

Prej mesditës së sotme nisin aplikimet për Programin DV-2024, për të gjithë shqiptarët që ëndërrojnë Amerikën.

Ambasada amerikane në Tiranë, nëpërmjet një njoftimi ka dhënë udhëzimet se ku duhet aplikuar dhe çfarë duhet të kihet parasysh që të pranohet aplikimi.

Qytetarët kanë mbi një muaj kohë, deri në datën 8 nëntor 2022, ora 18:00 për të aplikuar.

Njoftimi:

Regjistrimi elektronik për lotarinë DV-2024 do të rifillojë të mërkurën, më 5 tetor 2022 në mesditë 12:00, Ora Ditore Lindore (EDT) (GMT-4) dhe do të mbyllet të martën, më 8 nëntor 2022, në mesditë 12:00 Ora Standarte Lindore (EST)(GMT-5).

Shikoni këtë faqe për një vështrim të përgjithshëm të programit të Vizave të Shumëllojshmërisë, si dhe udhëzimet hap pas hapi për t’ju ndihmuar se si të plotësoni një aplikim për t’u regjistruar për Lotarinë. Aplikantët mund të kryejnë aplikimin elektronik në faqen zyrtare të E-DV, gjatë periudhës së regjistrimit. Udhëzimet e DV janë gjithashtu në dispozicion në faqen e internetit të Departamentit të Shtetit.

Për të parë nëse janë përzgjedhur, të regjistruarit do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të Regjistruarve në faqen zyrtare të E-DV-së. Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten e tyre dhe anëtarët e familjes së tyre. Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve.

 

Liberale Newsroom

Poll
SHQIPENGLISH