Klodian Elqeni, i riu që neutralizoi një 32-vjeçar që hyri me makinë në sheshin “Skënderbej” duke rrezikuar jetën e qytetarëve më 25 prill, u nderua sot me titullin “Mirënjohja e Qytetit”.
I riu është nderuar sot nga kryetari i Bashkisë së Tiranës, Erion Veliaj.
Duke i shprehur mirënjohjen e thellë për gjestin e tij prej një heroi modern, duke shpëtuar disa dhjetëra qytetarë mes të cilëve edhe mjaft fëmijë që ndodheshin në shesh, Veliaj tha se të tillë heronj na bëjnë krenarë dhe meritojnë vlerësim prej të gjithëve ne.
