Është mbyllur dhe procesi i numërimit të votave për kryetar bashkie në Tiranë.
Sipas të dhënave të KQZ, Erion Veliaj ka fituar bindshëm në këtë garë. Pas numërimit të 941 kutive, kryebashkiaku aktual i Bashkisë së Tiranës ka mbledhur 158668 vota, duke rikonfirmuar mandatin e tretë.
Pas tij vjen kandidati i koalicionit "Bashkë Fitojmë", Belind Këlliçi, i cili ka marrë 100351 vota.
Në garën për Tiranën, qytetarët kanë renditur të tretin Arlind Qorin duke i besuar 13835 vota, ndërsa kandidati i PD zyrtare, Roland Bejko renditet pas tij me 12388.
Laila Pernaksa, kandidate e Partisë Drejtësi, Integrim dhe Unitet ka marrë 2104 vota, ndërsa kandidati i Fronti i Majtë, Marko Dajti ka marrë 2807 vota.
Aktualisht vijon puna për numërimin e votave për këshillin bashkiak, të cilat duhet të përfundojnë brenda orës 16:00 të ditës së sotme.
