Në podcast-it “Phrasenmäher” Mark-Andre Ter Shtegen ka pranuar se jo gjithmonë ka qenë një shok i mirë skuadre me Leo Mesin. Portieri gjerman ka pranuar se karakteri i të dyve ka bërë që në disa periudha të caktuara lidhja e tyre të mos ishte solide siç dukej nga ekrani.
“Në disa momente marrëdhënia jonë ishte e tensionuar. Unë mendoj se ai është një personazh i veçantë dhe se shikon apo motivohet nga gjëra, të cilat ne të tjerët nuk i shikojmë. Herë herë nuk kemi shkuar mirë pasi ai mund të mërzitej prej meje dhe unë prej tij”, pohoi gardiani gjerman i portës së Barcës, i cili është duke punuar për tu rikthyer sa më shpejt në aksion pas atij dëmtimi të rëndë në gju.
