Valbona Mhilli u eliminua mbrëmjen e djeshme nga shtëpia e “Big Brother VIP 4”. Ditën e sotme ajo ka dhënë një intervistë për emisionin “Shqipëria Live”, ku ka folur për rrugëtimin e saj në reality show.
Gjatë kësaj interviste, ish-banorja e shtëpisë më të famshme në Shqipëri ka pohuar se ka pasur ndjenja për Laert Vasilin.
Sipas saj, ka qenë aktori i pari që ka bërë hapat dhe më pas e gjithë gjëja rrodhi dhe u gjendën përballë njëri-tjetrit.
“Më pas, vazhdoi si lojë. Por, avancoi, shkoi përtej lojës”, tha gazetarja e njohur.
Valbona më pas vazhdoi duke thënë se, Laerti i ka kërkuar të shkëmbenin puthje në një pjesë të shtëpisë, me pretendimin se nuk e kapnin kamerat, pavarësisht se çdo cep i BBV është i monitoruar 24 në 24.
“Nuk kam gënjyer në asnjë moment në shtëpinë e ‘Big Brother’. Më ka ftuar që të më puthte në një hapësirë, që besonte se nuk ka kamera. I thashë jo. Unë kam pasur ndjenja të sinqerta për Laertin dhe shumë të pastra. Duke e ditur ai këtë gjë, ka luajtur. Nuk mund të them që kam qenë marrëzisht e dashuruar, ishte një tërheqje, ishte një tërheqje që kishte nisur mes nesh. Prandaj them që zhgënjimi më i madh në BBV për mua ishte Laert Vasili”, u shpreh Valbona Mhilli.
