Selena Gomez është përfshirë për herë të parë në listën vjetore të Forbes që rendit 100 gratë më të pasura në SHBA që e kanë ndërtuar vetë pasurinë e tyre. Këngëtarja dhe sipërmarrësja është renditur mes figurave më të njohura të industrisë së argëtimit dhe biznesit, kryesisht falë suksesit të kompanisë së saj të kozmetikës.

Kompania, e themeluar në vitin 2020, vlerësohet aktualisht me një vlerë prej rreth 1.3 miliardë dollarësh. Sipas Forbes, pasuria personale e Gomez kap shifrën e 700 milionë dollarëve, duke e renditur ndër 16 personazhet e famshëm që kanë zënë vend në këtë listë prestigjioze për vitin 2025. Më herët, në shtator, Bloomberg e kishte përmendur Gomez si miliardere, duke vlerësuar pasurinë e saj neto në 1.3 miliardë dollarë.

Përveç saj, lista përfshin figura të njohura të industrive të ndryshme, si Taylor Swift, Kim Kardashian, Oprah Winfrey, Beyoncé, Rihanna dhe Kylie Jenner – gra të cilat përfaqësojnë suksesin e arritur përmes punës së tyre dhe aftësive sipërmarrëse.

Ndër emrat që kryesojnë listën këtë vit janë:

Oprah Winfrey
Kim Kardashian
Taylor Swift
Rihanna
Madonna
Beyoncé Knowles-Carter
Selena Gomez
Kylie Jenner
Judy Sheindlin
Celine Dion
Barbra Streisand
Ellen DeGeneres
Dolly Parton
Reese Witherspoon
Katy Perry
Serena Williams