Dukesha e Sussex Meghan Markle, në podkastin e saj “Confessions of a Female Founder”, ka ndarë eksperiencën e dhimbshme me preeklampsinë pas lindjes së djalit të saj Archie të cilën e ka konsideruar të frikshme dhe kërcënuese për jetën.
Markle u shpreh se pavarësisht sfidave shëndetësore ajo ndihej e detyruar të përmbushte pritshmëritë publike dhe ato profesionale.
Në këtë episod, Meghan diskutoi gjithashtu mbi balancimin e jetës profesionale dhe asaj familjare, duke reflektuar mbi presionet që ndiheshin si nënë e re dhe si grua biznesmene. Ajo theksoi rëndësinë e fleksibilitetit në punë, veçanërisht për nënat, dhe shprehu dëshirën për të qenë pranë fëmijëve të saj gjatë zhvillimit të karrierës.
Ky podkast shënon kthimin e Meghan në projektet audio pas ndarjes nga Spotify, duke ofruar një pasqyrë më të thellë mbi jetën e saj personale dhe profesionale.
