Michael Douglas dhe Catherine Zeta-Jone festuan të dy ditëlindjen. Më 25 shtator, çifti i Hollivudit, një nga më të bukurit në botën e yjeve të showbizit, ka fikur qirinjtë së bashku: 80 për Douglas, 55 për Zeta Jones.

Dhe dhurata më e mirë (dhe origjinale) për aktorin erdhi nga gruaja e tij e famshme, e cila në rrjetet sociale u shfaq e zhveshur duke habitur fansat dhe ndjekësit.

Dy fytyrat e famshme të kinemasë nuk mund të ishin më të bashkuar se kaq. Të martuar që nga viti 2000, ata ndajnë jo vetëm kiminë, ndjenjat dhe dy fëmijët, por edhe ditëlindjen e tyre. Dhe, çdo vit, atyre u pëlqen të publikojnë urime dhe dedikime dashurie përmes rrjeteve sociale.

Megjithatë, ky vit është një rast tjetër. Aktori, në fakt, ka mbushur 80-vjeç. Një ditëlindje e rëndësishme, e festuar përmes rrjeteve sociale nga fansat dhe miqtë nga bota e argëtimit. Por postimi më i bukur përshëndetës erdhi nga ajo, bashkëshortja e tij.

Dhe mbishkrimi ishte edhe më ikonik se fotografia. “Ky është kostumin im i ditëlindjes! Pas më shumë se 25 vitesh që ndaj ditëlindjen time me bashkëshortin tim, po më mbarojnë idetë për dhurata! Ky është opsioni i dytë, topat e golfit janë të parët... padyshim!”, ka shkruar ylli i filmit krahas fotos së rrallë bardhezi e cila sigurisht nuk ka kaluar pa u vënë re nga njerëzit e web-it.

Një postim që erdhi pas një postimi fillestar përshëndetës, shumë më klasik. “Gëzuar ditëlindjen për mua dhe Michael!! Këta ishim ne në ditëlindjen tonë 25 vjet më parë! Të dua me gjithë zemër”, ka shkruar ajo në rrjetet sociale.

Natyrisht, nuk ka munguar as urimi publik i Michael Douglas për gruan e tij.