Shkrimtarët e njohur Rudolf Marku, Vera Bekteshi, Ilir Ikonomi, Ermir Nika, Virgjil Muçi, Gani Mehmetaj dhe Enird Malile morën pjesë në Festivalin Shqiptar të Letërsisë, zhvilluar në ambientet e Hotel Princ në Rana e Hedhun, Shëngjin. Aktiviteti u organizua nga Fondacioni UET Press, Bashkia Lezhë dhe Hotel Princ Adriatic.
Fotografitë e realizuara nga Hameraldi Agolli, një fotograf i talentuar dhe me ndjeshmëri artistike, pasqyrojnë me mjeshtëri kuintesencën e shpirtit krijues të autorëve. Në një kontrast të bukur mes botës së brendshme të shkrimtarit dhe natyrës përreth, Agolli sjell në fokus një dialog të thellë mes artit, mendimit dhe peizazhit.
