RUBRIKA DITORE E LIBRIT TË PËRZGJEDHUR NGA LIBERALE.AL
Titulli: "Shënime nga skuta"
Autor: Fjodor Dostojevski
Kategoria: Roman
Çmimi: 800 Lekë
Përshkrimi
Një ndër veprat më të ndërlikuara dhe më tronditëse të Dostojevskit, "Shënime nga skuta" depërton thellë e më thellë nëpër skutat më të errëta të mendjes së një individi të izoluar, të mbërthyer në zinxhirët e vetmisë, nën peshën shtypëse të të cilëve kridhet në refleksione mbi moralin dhe ekzistencën njerëzore.
Përmes teknikës së monologut të brendshëm në strukturën rrëfimore, romani sjell një portret të fuqishëm të njeriut modern - kontradiktor, i vetëdijshëm për absurditetin e vet dhe i zënë në grackën e përplasjes mes arsyes dhe ndjenjës.
Një kritikë e ashpër ndaj utopizmave të kohës dhe një hyrje në letërsinë ekzistencialiste, kjo vepër mbetet aktuale në çdo kohë.
