Piktura e realizaur nga Vilson Kilica në vitin (1972)

Një artist i talentuar, një pedagog poliderik! I vlerësuar me titujt më të lartë të kohës “Piktor i Merituar” (1969)  dhe “Piktor i Popullit” (1987).

Piktori Vilson Kilica ishte një nga studentët shqiptarë që mbaruan studimet e plota me rezultate të shkëlqyera për pikturë në Institutin e Pikturës, Skulpturës dhe Arkitekturës “Ilia Efimoviç Rjepin” në Leningrad (sot Shën Petërburg) të ish-Bashkimit Sovjetik (sot Rusia).

Disa nga tablotë më të njohura janë “Denoncimi i traktatit të Varshavës”, “Shpallja e Republikës” (1983), e ekspozuar në Galerinë Kombëtare të Arteve, që ka në qendër figurën e Enver Hoxhës dhe të tjera figura të rëndësishme të kohës (Omer Nishani, Baba Faja Martaneshi, Myslym Peza, Gogo Nushi…), “Punëtorët”, “U kthefsh me lirinë”, “Brigadieret” etj.

Vilson Kilica u lind në Vlorë më 2 qershor të vitit 1932 dhe ndërroi jetë në Tiranë më 7 korrik të vitit 2016. Ai ishte piktor, mozaiçist, muralist dhe i vlerësuar me titujt më të lartë të kohës “Piktor i Merituar” dhe “Piktor i Popullit”.

Më 7 korrik 2019 mbushen tre vjet nga ndarja nga jeta e Drejtorit të parë të Institutit të Arteve Shqiptare, piktorit Vilson Kilica.

Kilica do të nderohet nga brezat dhe do të jetë pjesë në historinë e artit pamor shqiptar si një mjeshtër i madh i pikturës shqiptare të shekullit XX, një artist i talentuar, një pedagog i ditur që përgatiti breza të të tër artistësh të rinj.