Në kuadër të çeljes së sezonit veror në Himarë, mbi 20 piktorë të njohur nga vendi dhe rajoni morën pjesë në Koloninë e Artit “Ngjyrat e Himarës”, duke sjellë përmes penelit bukuritë natyrore dhe historike të qytetit.
Me penelin hodhën në telajo bukuritë natyrore dhe historike të qytetit, teksa dhanë dhe mesazhe për mbrojtjen e mjedisit nga ndotja.
"Momente mirënjohjeje dhe vlerësimi për artistët që sollën ngjyrat e shpirtit në koloninë e piktorëve “Ngjyrat e Himarës" - tha kryebashkiaku Vangjel Tavo.
Interes të jashtëzakonshëm nxitën edhe ekspozitat “Himara në Vite” dhe “Thënie nga Lord Bajron e Petro Marko” të cilat u sollën nën kujdesin e Drejtorisë së Arkivave, duke shpalosur fakte historike dhe kulturore rreth zonës.
Deti është atraksioni kryesor i Himarës dhe sigurisht sportet ujore nuk munguan as në këtë ditë.
