Kryetari i Lëvizjes së Vetëvendosjes, Albin Kurti i cili fitoi zgjedhjet e parakohshme në Kosovë, ka falenderuar të gjithë drejtuesit politikë të cilët e kanë urua për rezultatin e arritur në zgjedhje.

Në një postim në rrjetet sociale, Kurti përmend të gjithë liderët që i dërguan urime. Mes emrave të përmendur nga Kurti, është vetëm ai i kryetarit të Kuvendit, Gramoz Ruçi, ndërsa mungon ai i Edi Ramës.

“Gjatë dy javëve të fundit pranova shumë telefonata, mesazhe e letra urimi për rezultatin dhe suksesin e Lëvizjes VETËVENDOSJE! në zgjedhjet e 6 tetorit. Nga Kryetari i Kuvendit të Shqipërisë, z. Gramoz Ruçi, Kryeministri i Maqedonisë së Veriut, z. Zoran Zaev, Kryetari i Kryesisë së Bosnjë dhe Hercegovinës, z. Željko Komšić, Nënkryetari i Kuvendit të Malit të Zi, z. Genc Nimanbegu, ish Presidenti i Kroacisë, z. Stjepan Mesić, e shumë të tjerë. Me bashkëpunim të ngushtë me partnerët fqinjë e miq tonë, do të jemi një hap përpara zhvillimit e integrimit tonë. U jam mirënjohës të gjithëve për urimet, përgëzimet dhe gatishmërinë e shprehur për mbështetje”, shkruan Kurti./Gazeta Liberale

[gallery columns="1" gss="1" ids="1096227,1096228,1096229,1096230"]