Të martën mblidhet Kryesia e PD-së dhe vendos mbi të ardhmen e saj. Gjatë takimit me demokratët në Kamëz, ish deputeti Korab Lita, i pranishëm në takimin e tij, i tha Lulzim Bashës se aktin e ndërmarrë tani duhet ta kishte ndërmarrë që në vitin 2013 dhe se me Berishën duhet të ishte përballur që kur mori fillimisht drejtimin e PD-së para 10 vitesh.
“Je 10 vite me vonesë. Ti duhet ta kishe kafshuar “ujkun” që në 2013-ën. Kjo është e vetmja fjalë që nuk ke mbajtur. Por meqë ke zgjedhur t’i vërsulesh “ujkut”, neve na ke mbrapa"- tha Lita, duke mbështetur rikthimin e Bashës.
“Nuk ma kishte marrë mendja”, tha Basha duke nënkuptuar se Berisha bashkëpunonte me Ramën dhe me Metën, dhe se kur u shpall “non grata” nga SHBA tregoi se partia dhe politika i shërben për interesin e tij personal.
