Një ngjarje e rëndë ka ndodhur në rrugën “Mujo Ulqinaku” në Tiranë, ku një 44-vjeçar është vetëhedhur nga kati i 15-të i pallatit dhe si pasojë ka humbur jetën.
"Më datë 27.05.2023, shtetasi E. T., 44 vjeç, banues në rrugën “Mujo Ulqinaku”, ka shkuar në një pallat në ndërtim e sipër, në bulevardin “Bajram Curri”, dhe dyshohet se në kushte depresioni, është vetëhedhur nga kati i 15-të i kësaj ndërtese dhe ka rënë në katin e 10-të. Si pasojë 44-vjeçari ka humbur jetën.", njofton policia.
Grupi hetimor po punon për sqarimin e plotë të shkakut të vetëhedhjes së 44-vjeçarit nga lartësia.
